hüt bini wieder mal bim Grosi/Grospapi gsi und han dörfe Ostereier aamale!

im Affäberg go Äffli aaluege und chli mit Popcorn füetere das isch luschtig! Chani jedem andere Chind nur empfehlä – macht würkli Spass.

jedes mal wäni än tag bim grosi/grospapi gsi bin bini nachher voll gschluuchet (siehe foto) 🙂

hüt isch so gruusig Wetter gsi verusse – chalt und näblig drum hani dänn chli mitem Grospapi zämä so schöni Knätt-Figürli baschtlet 🙂

hüt bini s’erst mal i dä Spielgruppe gsi – ganz toll isch das gsi mit all dene Chindä dä ganzi Morge spiele, male und baschtlä. Ich han än schöne Läbchuächä gmacht…

im neue Jahr dörfi dänn jede Fritig Morge id Spielgruppe – juhuuu…..

zämä mit dä Familie Jäggi simmer hüt in Europapark uf Rust zu dä Euromuus. So schön isch das gsi – grad am Iigang hät d’Euromuus scho uf mich gwartet und dänn hani mal so richtig chöne schmüsi mache mit ihre 🙂 Isch än super Tag gsi. dä einzig Seich isch gsi das ich erst 2 bin und fast all guete, schnelle Bahne erst ab 4i sind aber äs isch än super Tag gsi und ich freu mi scho uf s’nöchscht mal.

hüt Namitag häni zämä mitem Mami und än Grosmami das schöne Läbchuächä-Hüüsli baschtlet 🙂

hüt simmer zämä mitem Simon und dä Sandra in Atzmännig. Mega lässig isch das gsi det – so vill tolli Sache zum aaluege und usprobiere. Leider häts chli vill Lüüt gha wo uf d’Rutschbahn händ welle drum gömmer dänn mal under dä Wuche nomal. Ich will doch so gern no mit dä grosse, schnelle Rutschbahn fahre 🙂

ich wünsche dir min liebe Papi wie immer alles liebi zum Geburtstag. din Sohnemann

sit äm 20. September 2009 wohned mir neu in Fehraltorf. Es isch mega schön da und mis neue Bett mit Rutschbahn und „Tunnel“ gfallt mir au super guet.