das isch d’Jabba wo sie erst äs paar Tag alt isch. Jabba isch euses neue Hundeli und mir händ uu fest freud a ihre.

hüt bin ich 1 Jahr alt worde! Isch än super schöne Tag gsi. Am Morge simmer in Züri Zoo go Tierli aaluege und am Namitag sind no s’Grosmami, s’Gotti und dä Grosspapi Sigi uf Bsuech cho und händ ganz vill schöni Gschänkli mitbracht für mich. Die wo nöd händ chöne verbicho die händ mir alli aaglüütä und mir per Telefon liebi Grüessli gschickt – han uu Freud gha.

Danke nomal allnä vill vill mal für die vilä tollä Gschänkli
euä Yari

ändlich simmer wieder mal a d’Sihl abä und ich han chöne am Wasser plantsche – das isch nämmlich eini vo minä Lieblingsbeschäftigunge 😉

d’Lucy euse Hund hät hüt morge 7 jungi gsundi Hündli uf d’Welt bracht – ich han uu Freud und freu mi scho bald chöne mit dene chline Fratze spiele 😉

isch nöd so oft schöns Wetter gsi aber mir händ trotzdem super gha in Savognin im Wohnwägeli – am Sunntig sind no d’Groseltere verbicho uf äs Bsüechli und ich han dörfe äs Bädi nä verussä a dä frische Bergluft und go Rutschbahn fahre mitem Papi und go Gireitslä.

hüt hani rasch dä BMW vom Grosi gschnappet für äs chlises Sprütz-Tüürli 😉