Tierli luege, spilä, spaziere, seich mache, schmüsele, gnüssä und eifach nur Freud ha am Läbä – so isches amig am Wuchenend bi dä Grosseltere!

das Weekend bi dä Grosseltere isch wieder super gsi – dä ganz Tag spiele und seich mache – genau so muen doch s’läbä si 😉

hüt bin i mit em Mami in Tierpark, det häts sogar es Karussell gha. Leider häts s’Mami nöd ganz so lustig gfunde wien ich, isch ihre bi jedere Rundi schlechter worde… 😉

voll als schwiizer Pirat verchleidet bini hüt zum Huus use – ganz glatt gsi so mit dem heisse Pirate-Tüechli ufem Chopf i mim super Wägeli umäzfahre 😉

…und nöcher…und nöcher…und immer nöcher…

* schau mir in die Augen kleines * 😉

s’erst mal bini hüt mitem Mami go Velo fahre – isch mer nöd so ganz ghüür gsi i dem Sitzli inä aber nacheme Zitli umädüüse mitem Mami häts mir dänn doch no aagfange gfalle.

s’Wätter isch nöd grad so guet gsi drum sind mir nöd so lang underwegs gsi aber für s’erst mal isch das tip top gsi. Nur dä doofi Helm isch no chli gwönigsbedürftig. 😉