s’erst mal bini hüt mitem Mami go Velo fahre – isch mer nöd so ganz ghüür gsi i dem Sitzli inä aber nacheme Zitli umädüüse mitem Mami häts mir dänn doch no aagfange gfalle.
s’Wätter isch nöd grad so guet gsi drum sind mir nöd so lang underwegs gsi aber für s’erst mal isch das tip top gsi. Nur dä doofi Helm isch no chli gwönigsbedürftig. 😉
S isch halt nöd s gliche, wämmer cha sälber fahre. Es gaht nümme so lang, dann chasch Du das au Yari, am Aafang halt no mit drü Rädli.
Muesch luege, wänn Du dänn uf de Gschmack choo bisch, isch es lässig nu so hine druff z höckle und gar nüd müesse tue als sich dä Wind um d Ohre blase z laah.
Was luegsch dänn Du so skeptisch drii, Yari – mit sonem wunderschöne Helm und sonere sportlichä Pilotin cha doch nüüt passiere …