läck jetzt chani min Chopf scho langsam ganz guet selber ufe hebä.

äs heisst ja „Kopf hoch und vorwärts luege!“ 😉

hüt hani s’erst mal dörfe Model stah und dä Papi hät probiert äs guets Foti z’mache vo mir. Han mi aber immer chli gstreubt und gar nie schön id Kamera glueget – hehehehe.

Bis mer nöd bös Papi, aber hüt hani null Bock gha zum brav anähebä 😉 Trotzdem häts no äs einigermassä guets Foti gä – obwohl mer meint mir fehli ä Hand 😉

hüt hät dä Dokter euse allerliebscht Merlin müese iischlöfere – er hät sich mit dä tödliche Infektion FIP aagsteckt!

Me Infos über FIP gits da:
http://de.wikipedia.org/wiki/Feline_Infekti%C3%B6se_Peritonitis

Mit vermissed dich ganz fest und hoffed dir gahts jetzt besser im schöne Chatze-Himmel!

hüt hani mal probiert – mit Hilf vom Mami – uf dä Mona än chline Usritt z’mache! 😉
wär eigentli ä super Sach nur chani mi nonig selber festhebä, aber au das schaffi no!

ich wünsche mim Mami alles Liebi zum 27. Geburtstag und hoffe sie lueget wiiterhin so guet zu mir!

bin ganz stolz das ich so äs super Mami han.

gnüss dä Tag mit dinä Fründä.
dis Yari Männli

min neue Spielplatz hani hüt mal beguetachtet – super Sach isch das, nur magi nonig a all die tolle Spielsache anä wo da obe hanged. Bald bald magi ufe 😉

voll zfridä bini hüt – all sind di heime und ich bin friedlich am döse ufem Sofa 😉

mis neue Müüsli-Kostüm isch eifach ganz genial – gfallt mer super guet! s’Chöpfli dörfti no äs bizzeli wachse damits perfekt sitzt 🙂

am Morge früh im Wohnwägeli chamer mega guet schmüsi mache mitem Papi…

aber scho bald isch mer das Schmüsi mache z’langwilig worde – dänn hani eifach än Boxkampf gmacht mitem Papi 🙂

will ich jetzt scho langsam än grosse Maa bin hani hüt s’erst mal mitem Mami id Badwanne dörfe go bädele – ä super Sach – det hät mer ja so richtig Platz zum plantsche. Nöchscht mal nimi dänn no d’Sprütz-Tierli mit id Badwanne – die hät s’Mami dämal eifach vergässe!