Läck isch hüt än stränge Tag gsi – aber au än wunderschöne!
Hüt händs mich vo dä Neonatologie abe bracht zu mim Mami ufs Zimmer – isch uu schön gsi wieder mal bim Mami i dä Arme ligge. S’Mami isch no chli schwach vo dä Operation aber wänn ich bi ihre bin dänn gahts ihre grad wieder vill besser! 😉
Dänn isch hüt au no mis Urgrosi uf Bsuech cho – isch schono schön wämmer sogar no äs Urgrosi hät! Dänn häts sie mich no in Arm gno – isch mer vorcho als wär sie erst 20gi – so locker hät sie das gmacht! 😉
Plötzlich hani uu hunger übercho nach dem riese Programm. Han dänn grad min Schoppe übercho – erst no vom Papi und äm Mami serviert – ganz ä tolli Sach! Nachher bini so müed gsi dasi grad wieder füsi gmacht han!
bis bald
Yari