hüt isch s’Mami endlich wieder hei cho vom Spital nach 4,5 Wuche. De Buch isch immer no dick und s’Baby isch immer no dinä aber s’Mami hät wieder hei dörfe und ich han u freud.
Ich meld mich dänn wieder sobald s’Mami wieder in Spital muen. S’nöchscht mal chunt sie dänn aber mit leerem Buch hei! 🙂
hüt bini – nach langem überrede durs Grosi und vill teubele dänn doch mitgange zum Jucker Farmart. Woni dänn det gsi bin häts mir aber mega guet gfalle und ich han gar nümm hei welle. Ganz toll det für Chind zum spiele. Hoffentli gömmer bald wieder mal! 🙂
Hüt han i mal welle es feins Süppli koche bim Mami i dä Kuchi. (Ganz allei, s’Mami isch sich nämlich grad am allege gsie ;-)) Drum han i dä Herd igstellt. Uf eimal hets ganz fest agfange rüche und rüche… Han am Mami grüeft sie söll cho luege, was für e schöns Fürli ich gmacht heg. S’Mami isch z’renne cho wie dä Blitz und het grad chli gschumpfe mit mir. Dä Topflappe isch no uf em Herd glege won ihn igstellt han und dä het denn ebe so schön brennt….
vom 8.05.2010 bis am 23.05.2010 simmer in Hurghada i dä Ferie gsi – äs super Hotel hämmer gha und s’Wätter isch natürlich traumhaft gsi wie immer in Ägypte. Da no äs paar Fotis – me chamer bi eus di heime go aaluege cho!
hüt hani zum erste mal äs Glacé gässä – brrrrr…. das isch ja chalt! Aber fein isches ebä au und drum tüemer jetzt mal wiiter dra umä bissä 🙂
Ürigens: ich sitze da grad i eusem neue Velo-Aahänger – mit dem machemer sit ca. 2 Wuche immer ganz tolli Usfährtli und ich het eigentlich jede Tag Lust zum chli ‚umädüüse‘ (ich muen ja nöd trample :-))
Sächsilüüte, dä Papi hät frei am Namitag und mir sind uf dä Mittag scho in Zoo gange zämä mitem Simon und dä Sandra und händ det dä Papi troffe. S’Wätter isch super gsi und mir händ dä Tag richtig gnosse.
isch fein gsi….
hüt han ich dä ganzi Nomitag mitem Miguel gspillt und mir händ nöd 1 mal gschtritte 🙂 Isch ganz än liebe dä Miguel. Er wohnt i dä Wohnig underem neue Grosihuus!
chum bini ufgstande hani scho dörfe go Oster-Näschtli sueche und hans natürli au sofort gfunde underem Bett 🙂
hüt bini mitem Papi, Grospapi und Grosi in Tierli-Walter-Zoo uf Gossau. Det gseht mer d’Tierli no vo ganz nöch und dörf ganz vill Tierli füetere und streichle. Ganz än tolle Zoo für Chind aber au für Erwachsni. Da chamer Tier würkli no hut nöch erläbä. Nöd so wie im Zürizoo wo mer immer 20 Meter Abstand hät. Leider hät dä Papi ganz vergässä Föteli z’mache wo ich d’Zebra, d’Alpakas und d’Vogel-Bluemestrüüs gfüeteret han.
