ich tuen d’Nathalie füetere und d’Nathalie tuet mich füetere und das natürli alles mit dä Händ 😉 juhuuuuuiiii – das macht ja riesig Spass 😉

übrigens: d’Nathalie und ich händ genau am gliche Tag Geburi – sicher drum verstömmer eus so guet! 😉

dä Sunntig simmer am Morge zu dä Ladina hei go zmörgele – ä super Sach! Das müemer bald wieder mache. Mega lässig wämmer chan s’zweite spiele am Sunntig Morge und umächlättere – das macht d’Ladina nämmli au so gern wie ich 😉 D’Andrea und dä Aless (d’Eltere vo dä Ladina) das sind au zwei ganz liebi – drum häts glaub am Mami und am Papi au sehr guet gfalle.

Läck isch das lustig gsi am Namitag mitem Erik go bädele i eusere grosse Badwanne 😉 Am Erik häts glaub au sehr guet gfalle – er hät gar nie brüelet – isch halt scho so äs Bädi nä zum beruhige 😉

mir sind da in Giverola a dä Costa Brava i dä Summerferie und äs isch mega lässig da. Jede Tag gömmer as Wasser go bädele, sändele, chäsperle oder anderi tolli Sache mache.

Grüessli a all us dä Ferie
Yari

ps. mehr fotos von den Ferien gibt’s hier:
http://www.new.facebook.com/album.php?aid=2007100&l=85ae0&id=1116520450

hüt han i mini erste Schritt gmacht, grad mal schnell 4-5 am Stuck. Isch gar nöd so cheibe schwierig das Laufe, aber brucht no recht Muet. S’Mami het mr grüeft und het mr d’hend entgege gstreckt, da han i denkt; jetzt oder nie… 😉

das isch dr Erik, er isch jetzt immer 4 Täg i dä Wuche bi eus. Am liebste tuen ich ihn klübe, vorallem denn wenn er mir wieder mal a dä Haar ume riest… 😉

Ich bi dä Groseltere voll in Aktion 😉

hüt a dem wunderschöne Samstig händ mis Gotti Caro und min Götti dä Simon in Küssnacht am Rigi ghürate. Ganz vill Lüüt sind cho und mir händ äs super Fästli gha. Leider han ich am Abig nümä chöne debi si aber ich han defür dörfe zum Grosi und zum Grosspapi.

das isch d’Jabba wo sie erst äs paar Tag alt isch. Jabba isch euses neue Hundeli und mir händ uu fest freud a ihre.