Alle Artikel von admin
Spaziergang in Einsiedeln
also als erst möchti sägä das mis Mami sehr stolz isch uf mich – ich han di letschtä 3 Nächt schön dure gschlafe!
dä Spaziergang hüt isch ganz schön gsi im Schnee. Mir sind uf Einsiedle gfahre und det chli in Schnee go spaziere. D’Lucy hät grausam Freud gha und isch umäghüpft wie än Heugümper. 😉
s’Mami hät mi dörfe schleppe im super Stüeli. Lang simmer nöd spaziert will am Mami sin Schuh äs Loch gha hät und dänn Schnee in Schuh cho isch – brrrr…. 😉
Yari trinkt Schoppe
und lueged mal das a – ich chan scho ganz allei dä Schoppe hebä und min feine Öpfelsaft trinke 😉
klappet meistens nur für äs paar Sekunde so ganz allei – aber au äs paar Sekunde gänd irgendwänn ä Minute.
Yari sitzt auf Sofa
so än grosse Maa bin ich scho – chan scho ganz allei ufem grosse Sofa sitze 😉
Yari der Eskimo
ohne Worte…
Yari reitet auf Lucy
uf dä Lucy riite isch ä super Sach – nur d’Lucy hät amig gar kei Freud wäni uf ihre obe höckle.
bald chani mi sicher selber so guet festhebe das mir dänn zämä mal äs Usflügli (oder besser gseit äs Usrittli) chönd mache. Ich glaub zwar dass d’Lucy nöd so begeisteret isch vo dere Idee.
Yari am mampfe (Teil 2)
Die Elfen sind da…
viel Spass wünscht Familie Kägi 😉
Schmüsi mit Summ Summ
mis neue Stofftierli heisst „Summ Summ“ und ich hans uu gern – mit dem chamer eifach super guet schmüsi mache.
Das hani übrigens vo dä Sandra und äm Dani übercho – das sind d’Eltere vom chline Simon – mim beste und einzige Fründ i mim Alter 😉
Die Taufe
hüt bin ich i dä katholische Chilä in Langnau am Albis tauft worde. Isch äs ganz äs schöns Fäschtli worde und ganz vill Lüüt sind cho woni kännt han.
Ich möcht mich bi eu allnä nomal ganz herzlich bedanke das ihr all cho sind und für die tolle Gschänkli woni übercho han.
Da isch no dä Link zu dä Bildergalerie vo dä Taufi – falls ihr äs Bild in Grossformat wänd zum äs Poster mache 😉 -> eifach melde!
Bilder-Galerie Yari Taufe
vill Spass und ich freu mi scho jetzt uf s’nöchschte Fäschtli mit eu!
euä Yari