hüt bin ich i dä katholische Chilä in Langnau am Albis tauft worde. Isch äs ganz äs schöns Fäschtli worde und ganz vill Lüüt sind cho woni kännt han.
Ich möcht mich bi eu allnä nomal ganz herzlich bedanke das ihr all cho sind und für die tolle Gschänkli woni übercho han.
Da isch no dä Link zu dä Bildergalerie vo dä Taufi – falls ihr äs Bild in Grossformat wänd zum äs Poster mache 😉 -> eifach melde!
Bilder-Galerie Yari Taufe
vill Spass und ich freu mi scho jetzt uf s’nöchschte Fäschtli mit eu!
euä Yari
Es isch vo A – Z e wunderschöni und sehr persönlichi Taufi gsy. Und Du Yari bisch nüd nur en ganz en Liäbe sondern – mit Dine Nadestreife-Hösli und em Nadelstreife-Gilet – e ganz bsunders schöns und härzigs Mannli gsy.
Und dä Apéro nach de Taufi isch ja würkli de Hammer gsy. Dank dene villne Platte mit ere schöne Palette vo feinschte beleite Brötli hätt niämer müese Hunger lide. Und verturschte dänn au öppe nüd.
En rundum glungene Alass, für dä mir euis – nüd zletscht au bi allne „guete Geischter“ – rächt herzlich bedanke tüend. Mer händ dä Sunntig sehr gnosse.
Ja, ich bin dä chliche Meinig wie s Grosi und dä Grospapi. Es isch super gsii und Du häsch super usgseh Yari. Du häsch gar nie brüelet. Ich ha scho dänkt, dass es Du gär häsch, wänn Dini „Grossfamilie“ binenand isch. Dis Mami und Din Papi händ das zäme mit no anderne HälferInne en super Imbiss anezauberet. Also mir häd’s gfalle und au ich möcht mich ganz härzlich bedanke.
Scho bald chunnt s Chrischtchindli und dänn chline Yari gsehsch Du s erscht mal en Chrischtbaum. Ich freu mich scho druf.