hüt simmer zum Oster-Zvieri zum Grosmami uf Bsuech. Hät uu feine Dessert gä und ich han mit allnä chöne Seich mache. S’Gotti und dä Götti sind au cho. Vom Götti hani leider nöd so vill gha will er vercheltet gsi isch – defür hani wieder ganz tolli Klamotte übercho vom Gotti und vom Grosmami hani 4 schöni Schiffli übercho woni dänn chan mitnä id Badwanne 😉
Nach all dene schöne Ereignis bini dänn ganz zfriede bim Mami uf dä Schultere iipfüselet.
Danke nomal vill mal für die super Gschänkli.
De Osterzvieri bi de Joy isch würklich u fein gsi und du Yari häsch eus wiedermal prima unterhalte :-). Mir freued eus immer wahnsinnig fescht dich gse!
Es Föteli mit dir und em Lui machemer wänd s’nächscht mal bi eus bisch!
Gotti und Götti
Ich han mich u gfreut, dass alli zu mir cho sind go zvieri ässe. Mir zwei händ no chli Seich gmacht, gäll Yari. Es isch sooo schön gsii, dass Du bi mir gsi bisch am Wuchenänd. Ich han Dich richtig vermisst, wo s Mami und dä Papi Dich am Sunntigabig wider mitgnoo händ. E chli müed bin i scho gsii, ich muess mi zerscht wider dra gwöhne, wivill Energie so en chlinä Maa hät. Gschlafe häsch du wunderbar näbed mir im grosse Bett. Ich freu mi scho uf dä 25. März, dänn chum ich wider zu Dir hei.
S Grosmami Joy