voll als schwiizer Pirat verchleidet bini hüt zum Huus use – ganz glatt gsi so mit dem heisse Pirate-Tüechli ufem Chopf i mim super Wägeli umäzfahre 😉

…und nöcher…und nöcher…und immer nöcher…

* schau mir in die Augen kleines * 😉

s’erst mal bini hüt mitem Mami go Velo fahre – isch mer nöd so ganz ghüür gsi i dem Sitzli inä aber nacheme Zitli umädüüse mitem Mami häts mir dänn doch no aagfange gfalle.

s’Wätter isch nöd grad so guet gsi drum sind mir nöd so lang underwegs gsi aber für s’erst mal isch das tip top gsi. Nur dä doofi Helm isch no chli gwönigsbedürftig. 😉

so äs Abig Spaziergängli vorem z’Nacht isch scho super – vorallem wämmer am Mami chan uf d’Schultere hocke und mitem Chrigi chli Seich mache. Und s’Schmüsi mitem Mami dörf natürli au nöd fähle! 😉

hüt isch dä Grosspapi Sigi wieder mal uf Bsuech cho bi eus – eigentlich sind mir ja fast immer bi ihm und er gar nie bi eus aber hüt häts wieder mal klappet. Isch ganz lässig gsi so chli Seich mache mitem Sigi – Seich mache isch ja mini Lieblingsbeschäftigung 😉

für eusi Räubertour hät mich s’Mami zumä richtigä Gängster verwandlet – so gfürchigi Gstalte gseht mer normalerwis nur im Fernseh 😉

d’Ladina isch Tochter vom Mami sinärä Cousine – kei Ahnig wie da dä Fachbegriff isch. Uf jede Fall isch Sie hüt bi eus uf Bsuech cho – natürli mitem Mami nöd allei 😉

Mir händ dänn zämä chli gspillt – s’Mami hät zwar gmeint ich segi nöd immer so fiin gsi wieni het müese zu dä Ladina aber so sind halt Babies 😉

hüt simmer zum Oster-Zvieri zum Grosmami uf Bsuech. Hät uu feine Dessert gä und ich han mit allnä chöne Seich mache. S’Gotti und dä Götti sind au cho. Vom Götti hani leider nöd so vill gha will er vercheltet gsi isch – defür hani wieder ganz tolli Klamotte übercho vom Gotti und vom Grosmami hani 4 schöni Schiffli übercho woni dänn chan mitnä id Badwanne 😉

Nach all dene schöne Ereignis bini dänn ganz zfriede bim Mami uf dä Schultere iipfüselet.

Danke nomal vill mal für die super Gschänkli.

jetzt häts doch mal no äs paar Föteli gä vom Wuchenend woni bim Gotti und Götti gsi bin. Am Samstig Morge sinds mich go abhole cho und händ mich dänn übers Wuchenend ghüetet. Isch immer lässig det.

Sie händ au no so äs süesses Häsli di heime – „Lui“ heisst dä Haas. Spiele tuet er nöd so gern mit mir aber ich tuen ihn sehr gern streichle will im sis Fäll so schön fiin isch 😉 Hoff äs git bald äs Föteli vom Lui und mir.